Am 28.03. is der Welttag des Unkrauts und wia hoaßt‘s so schee… Unkraut vergeht ned. Deswegn weard‘s a in dene Zeiten an 13. OC-Only-Bavaria-Stammtisch der Opencacher z‘Minga gem, und zwar agrad am 28.03.2020 um sieme. Des moi ned in Perlach, ned in Haidhausen und ned in Pasing, sondern… im Intanet. Da kenna ma über uns die neisten Neiigkeiten übers Cachen unterhoiten, die neisten Errungenschaften (Geokretys etc.) vorzoagn und was uns sonst no so eifoit.

Aiso auf geht's:

1. Omeidn: Ais erst's meid'st die hia o, dass ma wissn wia vui Leid kemma.

2. Eiloggn: Wie geht jetzt des?
Du brauchst an Computa, optimal war‘s mit Mikro und evtl. Webcäm, oder a Tablet. Dann klickst auf den Link

https://treff.wimmer-edv.de:5443/100/hash?invitation=e52452f1-1f51-461b-80ee-414019160ee6&language=2

und do wo "Gast" steht, trogst dein Nama (oder Nickname) ei. Der Link laft ab um hoibe Siebme (aiso a hoibe Stund vorher). Wenn's ned funktioniert, schreibst' uns o (üba opencaching).
Fürs bayrische Essen und Tringa und die bayerische Atmosphäre soargt am besten jeda seiba a bissl.

3. Loggn: Wia konn ma dann Loggn?
Dozua muasst auf drei Sachen schaun:

a) Normalerweise sann Dahoamsitza-Caches ja ned gern gseng, aber in dene Zeiten is‘s erlaubt. Wer mog, konn trotzdem was bayerisch‘s, des ea irgendwann a moi draußen in Bayern gfunden oder kriagt hot, mitbringa und vorzoagn, um zu zoagn, das a irgendwann a moi draußen in Bayern war (des is optional, aber soargt vielleicht für a bissl bayerisches Ambiente).

b) Es werd a virtueilles Logbuach gebm, zumindest von siebme bis um achte. Do trogst die ei.

c) Zum Loggen brauchst‘ a Passwort. Des kriagst, wenn'st di eitrogn host.


Bis boid und vui Spaß!