M&M2 - Das arme Hühnchen - P12-17 - Juli

? 893 ? 14:48

EEEEEEEEEEEEEEndlich Urloob Was hab ich dem schon endgeeschn gefiebord! Un nu war es widdor soweid - widdor ne ganze Woche Brandnbuirch, Brandnbuirch...
https://www.youtube.com/watch?v=uellmynA34U

• Ledzdor Tach: Och nöööööö, ich will nich hämm ganz-doll-draurich-bin Wieso vergidd eeschndlich ne Orbeedswoche nich so schnell, wie immor die Woche hior?
  Immorhin hab ich's offn ledzdn Tach noch geschaffd, asp_fan_cb zu nor gemeinsam Gäschdour zu ieborredn Mir wolldn noch ne Gleddoragdschon gemeinsam meisdorn un dann sollde er mir doch bidde noch mid mein Bleidn, Bech un Bann der ledzdn Tache helfn, damid ich ne ganz so viel Unorleedsches bis ins nägsde Gohr lieschn lass Dabei wurde also der gombledde Wesdn vor de Dorn von Goddbus durchschdreifd

Nu haddn mir schon einiches von mein Niedorlaachn zam gemeisdord un bei asp_fan_cb drängde langsam die Zeid un familjäre Verbflichdungen. Abor das orme Hiehnl machdn mir noch gemeinsam

Drinniedeil: Da war das Rädsl doch gor ne schwer un wurde sogor ledzdes Gohr schon vorm Urloob gelösd. Allordings unnorlief mir ma widdor enn verheeeeeeerender Fehlor Bei mir beschdehn Goordinadn nämüsch nur aus drei Zahln un alles annre wird da gerne ma ausgeblended Somid kam ich ledzdes Gohr, als ich den mid abholn wolld, offm ald Fluuchbladz raus un fraachde mich verzweifld, wie ich denn nu weidor bis risch nan an die Finalgoordinadn komm... Bleede kammor sein, abor mor muss sich zu helfn wissn. So schbrach ich ledzdes Gohr schon bei nem Gaffeeblausch bei den treasurhuntern ma mei Broblem an un wurde brombd offgeglärd, daß ne Goordinade mehr als nur jeweils drei Zahln had Das had mor dann davon, wenn mor immor nur alles ieborflieschd un ne genau lesn kann/will/muss

Draußiedeil: Leidor schaffde ich es dann ledzdes Gohr ne mehr, hior noch ranzufohrn Abor Diesgohr wolldsch das Hiehnl nu endlich reddn, och wenn es so gor ne in meine Gordnbaramedor neibassde Soweid fohr ich doch ne mibbm Rad nach Goddbus nei un mibbm Audo... Da weeß ich bei dem ganzn Vergehr doch gor ne, wo ich da haldn soll
Es finded sich immor ne Ausrede, abor wenn mor dann nen ordsgundschn Schofför had, der durch das Großschdadtgewimml och ohne Banigaddage durchkommd, dann sidd die Sache doch glei ganz annorsch aus
Vor Ord war es dann och gor ne so vermuggld, wie ich gedachd hädde un och die Bräsendiordellorlogäischn hield sich in Grenzn. Kann nadierlich och sein, daßes hior in dor Woche annorsch aussidd, abor heide zum Sonndidsch haddn mir unsre Ruhe Schon bei Sichdung der Finallogäischn vom Bargbladz aus, war eeschndlich schon gloor, wo das orme Hiehnl schdeggn dud, was mich abor ne davon abhield, mir den Resd, wenn och dodal zugemülld , och noch unnor de Lube zu nemm. Dann gings zum Hiehnl. Das Bodnbersonal gab Schüdznhilfe un sischor wurde das orme Viech gehoom. Misd schon dod, da kannsch nur noch abschdembln un'es widdor zeriggedun. Wär ich doch nur ledzdes Gohr schon zu seinor Reddung geeild War ich zu schbäd, um es noch leemnd zu bergn

Besdn Dank, liebor palk, fier's Leeschn un Pfleeschn dieses Fedorviehs un fier nen risch guul un schdimmichn Gäsch an indressandor Logäischn. Fier diese runde Sache vergeb ich gerne den blaun Verdiensdordn
Liem Gruß ausm fern Rußkams im sonnichn Sagsn
https://www.youtube.com/watch?v=pzd6WL2tt84