Teichland: Freizeitpark

Bei unserem Besuch in Teichland wurden auch die Stationen dieses Multi abgelaufen. Wir konnten alle Werte gut ermitteln und standen bald am Final. Hier mussten wir noch ein paar Muggel abwarten, dann konnten wir suchen und wurden schnell fündig.

Vielen Dank und viele Grüße,
taupan

Super danke fürs legen und Pflegen!

Hier haben wir schon mal gesucht aber nichts gefunden. Also bin ich heute die Stationen noch einmal abgelaufen und siehe da, zwei Fehler waren dabei. Also fix neu berechnet und schon ging es zum neuen Ziel. Dort wurde ich dann schnell fündig.

Niedlich

Sdäidsch 5: Na bloß gudd, wurde ich hior ne gezwung, mibbm Radl durchzuschiem Kann nich beurdeiln, ob der Geeschnschdand grad in dor Midde schdidd (hädde mich och eeschndlich schon indressiord ) abor mid Rad un bei den ganzn Leidn wolldsch mor das dann doch ne andun. So nahm ich gerne die Aldornadive der Weeschringe an. Von dem Labürindh gab es schah Gottseidank boor Weeschbeschreibungen am Rand Allordings war dies hior so ne Schdolborschdadschon, denn in meinor Offreeschung (weil schon widdor middn im Drubl ) üborsah ich bis zur Finalberaachnung die "-1" Dies gorrigiorde ich dordn zwar noch, kam abor drodzdem zu keem brauchborn Orgebnis

Sdäidsch 6: Nanu Schon widdor Neuorungen im Schdadschonseindraach??? Hamm se den Durm wo doch ne so hochgezoochn gegrischd, wie se sich das ma vorgeschdelld hamm??? Leidor warn für mich alle Ansaachn unrelewand, da ich ne bereid war, für diese Info Eindridd zu bezohln Un von Außn war die besaachde Infodafl ne zu orschbähn Mich die zich Drebbn noffzugwähln, mid all den schwidzndn un schubsndn Leidn, had ich eh nich vor - da zoochn mich die annorn Dosn dann doch zu sehr in dn Wald Ich versuchde den ganzn Schbooß zu guugln, hadde abor nur mäßichn Orfolch. Un als ich gloobde, ihn zu hamm, war es dor Falsche Wie kann es denn zu nem Bauwerg, was ganz eedeudich daschdidd, so viele unnorschiedliche Angaam geem??? Sch*** Indornedz Och ne Reschersche am Oomnd un den droff folschndn Doochn, brachde keene rische Orkenndnis Erschd nach'm Urloob un mid Riggschbrooch mid dem Ounor gelang hior die gorregde Ormiddlung DIESE SCHDADSCHON HADDE MIR LEDZDES GOHR SO RISCH DEN HALS GEBROCHN un die Belohnung in weide Ferne riggn lassn

Sdäidsch 7: An diesor Logäischn biss ich mich längor fesd. Ne nur, weil och hior Massn unnorweeschs war, sonnorn, weil es hior och noch annre Broschegde zu schdemmen gab
Da war die Ormiddlung der Wariablen "G" noch die eefachsde Übung Wurde gwasi im Vorbeimarschiorn mid abgegnibsd

Feinl: Wie schon orwähnd, ging die Beraachnung des Selbign mehrfach in de Huus Selbsd als ich sämdliche Fehlor, sowohl in dor Ormiddlung, als och in dor Raachnorei, ausgemerzd hadde, kam ich off keene scheene Goordinade Was hadde ich nur falsch gemachd? Na gudd, ee Werd fehlde schah och Abor selbsd mid alln Werdn, die ich so im Nedzd gefundn hadde, kam nüschd Gescheids raus Ich war radlos un nach mehrfachn Versuchn bis Oomnds dann och durch mid meim Ladain Diese Angeleeschnheed wurde mid ins nägsde Gohr verschlebbd
Heide nu hadde ich, so hoffde ich zumindesd, die gorregdn Goords im Geräd un war damid abor waaaaaaaaaid wech von dem, was ich mir vorher alles zamgeraachned hadde Ich b argde widdor undn offm aldbekanndn Bargbladz un schbaziorde (ma widdor) den Berch noff Un ab in de Büsche... Hior irrde ich allordings ne ganze Weile off un ab, bis ich dann doch endlich ma was Verdäschdsches offgeschdabld sah Da guggd doch was raus, was dordn ganz sischor ne hingeheerd... Odor eem doch, denn es war das Deesl Da war ich die ganze Zeid viel zu dief im Geschdrübb unnorweeschs gewesn Hädde ich doch so begwem un gor ne weid vom Weesch aus hamm könn... Abor ich schdeh endlich im Gäsdebischl - was ich schon bald ne mehr gloom wolld

Besdn Dank, liebor scheiby, für's Leeschn un gohrelange Pfleeschn diesor doch raachd wiedorschbensdschn Bixx. Anhand der vieln nachdräschlischn Orgänzungen sidd mor ma, wie sich so enn Gäsch mid den Gohrn wandln kann Scheen, daß'es n immor noch gibd, och wenn'or mich ganz scheen viele graue Hoore gegosded had Abor is schah doch noch gudd ausgegang
Liem Gruß ausm fern Rußkams im "scheen" Sagsnland!