Hans im Glück

? 1036 ? 17:26

Heide schdand ma widdor ne Dour mid Luzi im allseids beliebdn Middlsagsn an Diesma schdießn mir in völlich neue Schaachdgebiede vor - GERINGSWALDE
Da gab es reichlich zu dun un mir Beede konndn hior in der Geeschnd aus den Volln schöbbn, da mir Beede noch nich groß - gor ne hior unnorweeschs warn. Es wurde also enn langor, orlebnisreiscor un seeeeehr ausgefülldor Dooch/Nachd

Nach unsror Gleddoragdschon im nahegeleeschnen Wald wandn mir uns neun Offgaam, bzw. Deiln des Waldes zu, denn in un um Geringswalde gab's fier uns schah scheede Menge zu dun. Gebargd, wie befohln un schon ging es ab in dn Wadl. Anfangs bummldn mir noch off den Schburn vom Märchngäsch, abor es warn da schah noch boor Dosn zwischngeschdreud

Drinniedeil: Ich bin ma ganz ehrlich un geb zu, daß ich hior nur genassauord hab, denn diese Runde hadde Luzi ausgeorbeed un vorbereided. Im Nachgang schaude ich mir abor drodzdem das Rädsl ma an un mussde mid Endsedzn fesdschdelln, wie wenich mir noch aus meinor Kinnor-Märchnzeid in Orinnrung gebliem is. Ich gloob, da muss ich mich ma widdor bei mein Großeldorn vorschdelln un mir ma boor Märchn vorlesn lassn Iebor das Märchn ma so informiord un ledzdlich konnd ich Luzis Orgebnis beschdädschn

Draußiedeil: Na der lief ierschndwie holbrich un ich fruuch mich offn "Weesch" zu den Goordinadn ernsdhafd, ob's die Dose wirglich werd is. Mid "Weesch" meen ich den Gambf durch's Unnorholz un Geschdrübb Hamm mir den Weesch nur ne gefundn odor gibbed hior wirglich keen hin? Is das echd so gedachd, daß mor hior gwerfeldei durch de Bodanig brechn muss? Ach ja, is schah n "krasse Herde Gäsch", die kenn schah sowas wie Weesche ne Von daher gab die Weeschfiehrung, die Luzi ma zwischnnei wählde och widdor Sinn. Ich gloob zwar, mir wärn bessor gekomm, mir wärn nach Schdadschon 2 ma zu dem "Besuch" abgeboochn un nach Schdadschon 5 dann doch hiorher, schdadd den ganzn Weesch gwer durchn Wald, abor Luzi is heide Beschdimmorin un had schah eh immor s Nawi in dor Hand un saachd, wo's lang gidd. Abor hior zweiflde ich echd an ihr... Unglaublischorweise saachde se doch irschndwann off unsror Reise durchn Dschungl ma "hior mussor sein...", wo ich erschdemo gor ne wussd, wo ich anfang soll mid suchn. Der Verschdegge gab es viele un keenorlei Suchschburn odor Gäschoraudobahn... Mir wern hior bleede un komm aus dem Diggichd nie widdor raus Wie Hänsl un Gredl.... Abor die Suche war schnellor abgeschlossn, als gedachd, denn das Deesl drohnde gud sichdbor un offnsichdlich ne im gedachdn Verschdegg. Wenn ich nu in den Vorloggs les, daß das wo bei scheedm Besuchor dor Fall is, fraach ich mich, ob die Bixx hior iieborhaubd gud offgehoom is? Sällde mor se villei heehor bladziorn? Damid se ne enn wüdndor Waldbewohnor immor von A nach B schiem muss Weil an Muggl gloob ich HIOR ne! Na mir suchdn, wie alle annren, ma enn scheenes Blädzl fier die Bixx, gloom abor ne, dasse dies Bossidschon lange haldn wird. Abor so lange se immor noch gefundn wird un ne von den Waldbewohnorn verschlebbd wird...

Besdn Dank, liebe krasse Herde, fier's Leeschn un Pfleeschn der Bixx. Ich würd mich an diesor Schdelle och gerne fier's Herfiehrn bedankn, abor der Weesch in die Wildnis is mir in keenor guddn Orinnrung gebliem Ich gloob, ich wer langsam ald un bevorzuuch begwemore Weesche Also möchd ich noch all eure Gäschs schnell machn, bevor es ganz numschnibsd bei mir
Liem Gruß ausm fern Rußkams!