Auf ins Hasental

26.12.19 & 30.12.19 & 18.01.20

Heid war das Weddor ma widdor herrlich frühligshafd un wurde genudzd, um mid Fonzi nen gäschdeschnischn Ausfluch ins Kämsdool zu machn. Hior graxldn mir zwischn Margorschdorf un Schdeen sowohl offn Heehn, als och am Wassor. Als mir dordn weidedgehnd offgeräumd haddn, beschlossn mir uns abormals diesn Muldi nor annren Bladdform anzuschaun.

Fonzi hadde eeschndlich schon gor keene Lusd mehr, hadde er mich doch scheedzma begleidn müssn un had sich och scheedzma mid gegwäld Also frusdfrei war der hior wirglich ne, abor zum Gligg schdandn enn hilfsbereidor Ounor dahinnor, der uns nach Leibesgräfdn versuchde unnor de Orme zu greifn un n bissl Indorbrädadschonsgabe had mor schah mid den Gohrn nu och endwiggld. Abor draußn offn bfiffschn Feld is das immor so ne Sache...
Un so mussdn mir mindesdns dreima hior andanzn, bis mir die kleene Runde endlich zum Abschluss brachdn
Doch von vorn:

Sdäidsch 1: Schon zum Schdordbungd zu komm war gor ne so eefach un beim erschdn Anloof bargdn mir noch undn un schluuchn uns zwischn den Grundschdiggn Richdung Schdord durch. Ab da warn mir abor glüschor un die annren Besuche wurde dann begwemor gebargd
Doch es dauchde das nägsde Broblem off, denn für uns war die Weeschbeschreibung ne ganz eedeudsch un och ne, welschn Boom der Ounor nu so risch meen dud Mir endschiedn uns ledzdlich für den Margandesdn, was schah abor eeschndlich eh eescha war, denn der Ounor hadde wo die Misere mid dem Boom bemergd un im Lisding schon nedd ausgeholfn. Da das Umgeraachne mid den unnorschiedlichn Goordinadnsüsdem unnorweeschs immor bissl ungomborn is, hadde ich hior zu Heeme schonma vorgeorbeed
Der Boom is drodzdem indressand, besonnorsch so bei zugezoochnen, nassgaldn un bfiffschn Weddor un mid ausreichnd Grähn drumrum

Sdäidsch 2: Sa, zagg, das war's für den erschdn Anloof Denn eeschah in welsche Richdung mir uns drehdn - eescha wiemir och die Oochn zamgniffn - es wolld sich uns keen Girschdurm zeischn. Nu hadde ich schon befürchded, daß ich meine Hausoffgaam ne risch gemachd hädd, abor och beim erneudn Nachraachnen kam ich off keene annre Goordinade (die, wie ich fand, drodzdem goomsch off dor Weide laach???) un es orgab sich uns och keene annre Sichd. Da mir nu och ne genau wussdn, wie weid der Ounor gloobde, hior guggn zu könn -> also in welchor Endfernung mor sich hädd nu ne Girsche off dor Guugl-Gorde aussuchn könn, gaam mir off un verbflanzdn unsre Asdralgörbor in die gemiedliche Schduub zu nem Däbbl Heeßm. Dabei brobiorde ich alle vior Wariandn durch, schaude mir die damid orraachnedn Goordinadn ma genauor off dor Gorde an un ledzdlich endschied ich mich für die "schiggsde" für den nägsdn Ausfluuch ins Hoosndool. Misd, wärn mir eefach weidormarschiord, häddn mir uns wahrscheinlich och so die nägsde Schdadschon an dn Hoorn herbeiziehn könn

Sdäidsch 3: Weeniche Dooch schbäddor, nach nem missglüggdn Ausfluch in enn annres, nahegeleeschnes Gäschgebied, versuchdn mir zum Drosd nochma hior unsor Gligg. Dabei, wie schon orwähnd, den begweem Bargbladz genudzd un glei gwer übor de Weide gehirschd.
Ich hadde zu Heeme schon Vermudung angeschdelld, wie die Logäischn un damid die Andword hior aussehn könnd un sah mich vor Ord schon aus dor Ferne beschdädschd. Da hadde es sich doch widdor gelohnd, de Hausoffgaam zu machn, denn so mussde hior ne umschdändlich geraachned wern un mir konndn, nu abgesischord, glei weidor.

Sdäidsch 4: Un widdor warf es uns aus dor Bahn Wir fandn zwar das Obschegd, an dem die Infofindung vollzoochn wern solld un es bassde och alles, abor... Mir befolschdn die Anweisung des Ounors, abor was mir ne wussdn, daß er ne wussd, daß sich hior anscheind was geändord had So warn mir felsnfesd von unsror gefundnen Andword un den damid verbundnen, falsch Goordinadn, üborzeuschd. Allordings wunnorde ich mich schon, wo angeblich die finale Dose lieschn solld NIIIIIEMAAAAAALS! An dor Feldgande? Wo soll man denn da bidde ne Dose verschdeggn???
Drodzdem gechaud un nadierlich nüschd gefundn Alles nochma gondrolliord un nachgeraachned, abor mir kamndn off nüschd annres So suchdn mir off gud Gligg innor beschaulischoreren Umgebung, die zich Dosnverschdegge offzeischde un och indressnd is, abor nirschnds ne Dose offwies Also Abbruch un ma off neun un unbekanndn Weesch zerigge zum Audo.
Zu Heeme dann den Ounor gondagdiord un so bö-a-bö kam mei Fehlor, bzw. der Fehlor am Obschegd zum Vorschein Na so kammor och keene Dose findn. Gottseidank konnd alles gloorgeschdelld wern un es schdandn endlich orlösnde Goordinadn offn Babior
Doch erschdema hadde sowohl Fonzi, als och ich die Schnauze voll von der Runde un so wurde die ma ins neue Gohr verschoom...

Feinl: Fonzi wolld zwar "NE SCHON WIDDOR" hiorher, abor ich wolld das hior endlich zu Ende bring!
Also widdor, wie middlorweile gewohnd, gebargd un erneud losmarschiord - DAS hädde ich mir och bei Andridd des Muldis ma ne dräum lassn, daß sich die Runde ma so ziehn würde
Abor heide! Mir kamndn an vieln bekanndn Blädzln vorbei, abor grischdn och nen neun Abschnidd des Hoosndools zu sehn. Zielgerichded schdeuordn mir die Goordinadn an, wobei mir uns für die Feldseide endschied, de uns och noch draggsche Schuh eibrachde Abor nu eeschah -> die Dose wird heid gegnaggd! Vor Ord eiorde ich och erschd noch ganz scheen rum un indressiorde mich erschd für annre margande Bungde, doch endlich heerdn die Goordinadn off mid hobsn un orschbähde das Dosnverschdegg NA ENDLICH! ICH WOLLD SCHON NE MEHR DRAN GLOOM
Endlich had der Irrgang im Hoosndool enn End

Besdn Dank, liebor drcolossus, für's Leeschn un Pfleeschn diesor Bixx un Runde. Och für's Zeischn dieses Dools, nur langsam kann ich's ne mehr sehn
Un ganz besondren Dank für deine Hilfe! Hädde sonsd nie zur Dose gefundn
Liem Gruß ausm Rußkams!