TaTü TaTa - P12-17 Januar

& 595 & 15:55 - 16:05

EEEEEEEEEEEEEEndlich Urloob Was hab ich dem schon endgeeschn gefiebord! Un nu war es widdor soweid - widdor ne ganze Woche Brandnbuirch, Brandnbuirch...
https://www.youtube.com/watch?v=uellmynA34U

• Segsdor Tach: Diesn Tach wolld ich im Großraum Dissn - Briesn - Sielou verbring. Hior war ich im ledzdn Urloobsgohr schon sehr agdiv, hadde abor bei weidm ne alles geschaffd. So war Tachesoffgabe heide un hior die Gorde zu lüfdn

Middlorweile hadde ich mich schon bis an dn Außnschdadtring von Goddbus vorgeorbeed un war bisher gud durchgekomm - nich eene Bleide (ich war schdolz off mich )
Un eeschndlich war diesor gor ne mid eigebland. Da ich abor den een odor annren Gäsch aus deschnischn Gründn och Diesgohr ausließ, dachd ich mir !ach komm, wenn de eema da bisd" Eeschndlich will ich schah gor ne IN den Innschdadtring, abor vom Willkommsdradi aus geguggd, machde diese Ack noch nen reladiv endschbanndn Eidrugg - also fix ma in de Siddie geschniggd

Sdäidsch 1: Bei dor Anfohrd sondiorde ich drodzdem schon sgebdisch die Umgebung War schon n bissl Bräsendiordellor, zumindesd fier den Wald-un-Wiesngäschor. Vor allm konnd schah hior och ungesehn scheedn Momend scheemand ums Ack num geschnibsd komm Also simuliorde ich vorsichdshalbor ma ne Radlbause un sgännde die nähore Umgebung erschdma middn Oochn. Also wenn die Goordinadn bassn... Un der Hind och schdimmd... da bleim schah ne viele Meeschlichkeedn... Also nochma nach alln Seidn umgesehn un ma nen gurzn Griff gewaachd. Der war och risch, doch blidzschnell zooch ich die Fingor widdor zerigge - Audschnaudschnaudschn Gochndheeß die Bixx. Kee Wunnor, wenn mor dn ganzn Tach in dor bralln Sonne bräd Mussd ich mir hior doch dadsächlich meine Dragghandschuh ieborziehn, damidsch mor ne de Fingor verbrenn Nu so konnd die Bixx schnell un unofffällich gehoom wern.
Abor dann... Sowas hadsch schah noch gor ne gesehn Sehr indressande Gonschdruggdschon Ich meen, middlorweile habsch die schon öfdorsch gehabd, abor fier den Momend... Schnell war zwar durchschaud, was zu dun is, abor es fehlde erschdma am rischn Simsalabim. Ich deng, die Hidze lähmde hior mei Gehirne un so ofd rufd mor schah dordn ne an, abor wie war noch...??? Gurz bevor ich guugln wolld, fiel es mir abor noch ei Nu bloß nochma fix de Dechnig bemiehd un schon konnd's zum Haubdrewior gehn.

Feinl: War gor ne leichd, sich durch medorhohe Wegedadschon mibbm Rad durchzuschlaahn Un dann schdidd mor drodz Wegedadschon immor noch irschndwie offn Bräsendiordellor Schdadtgäschs sinn eefach nüschd fier mich Abor soviel Vergehr war ne, als daß sich groß scheemand fraahn konnd, was ich hior so dreib un bei so nor Schdrooß is villei och verschdändlich, daß de Radfohror liebor im medorhohn Gras "forhn", als sich off dor Schdrooß off's Horn nemmzulassn Mehr odor weenschor gebremsd orreichde ich also die Goordinadn. Schon von weidm sah ich enn sehr indressandes Obschegd, was ledzdlich och die Bixx, bassnd gedarnd, beherrberschde. Na solsche gurzn Schdadtmuldis gehn ma, annorsch wie mansche Whäreigo-Schdadtführungsrundn Un was neues kenngelernd habsch dabei och noch - mor lernd eem nie aus beim Gäschn

Besdn Dank, liebor palk, fier's Leeschn un Pfleeschn dieses kleen gurzn Schdadtmuldis mid Lerneffegd
Liem Gruß ausm fern Rußkams im sonnichn Sagsn
https://www.youtube.com/watch?v=pzd6WL2tt84