Zschopauwand

? 907 ? 11:03

Da Luzi immor noch ne ausm Urloob zerigge is, wurde sich heide mid H.E.R.A. verlusdichd. Dabei schdand eeschndlich boor T5or offn Weesch nach Dresdn offn Blan, wo omnds dann der Tach beim Weinfesd ausgling sollde. Un da ich außorhalb von Middlsagsn so gor keen Blan hab, blande eem H.E.R.A.

Dabei warf die Gommandur schon am friehn Morschn alles widdor iebor Bord, denn endlich hade enn langgeblandes un viel beschbrochnes Broschegd vom Füüüüüüühror das Bablisch hinnor sich un ich solld's nu gwasi gleima andesdn, eem weil ich mir schon seid Urzeidn diesn Blan von H.E.R.A. anheern muss Also wurde die Roude umgeleeschd un mir drafn uns glei hior.
Vor Ord war der Füüüüühror schon mid annren Golleeschn am Wergln un gwadschn un ich gesellde mich mid dazu.

Drinniedeil: Doch vor dem Vergnieschn schdidd schah erschdma de Orbeed So schaude ich mir nur erschdma die abschließndn Abschdieschsorbeedn meinor Vorgängor der Killersharks an.
Dann machde ich mich an den Haubdgäsch un organisiorde mir die Bonusinformadschon. Iebor das Orgebnis war ich ne wirglich ieborraschd, war ich doch in die Blanung dieses Broschegds schon eigeweihd wordn

Draußiedeil: Doch nu schdellde sich heraus, daß HIOR eeschndlich die rische Orbeed laach Vornz wurde schah schon n bissl mid den Killersharks gegwadschd un verschiedne Weesche zum Deesl beschbrochn. Herr Killershark hadde alles ausbrobiord un hadde ledzdlich dann och den Ounor zu Hilfe holn müssn. Na gud, den hadsch schah als Geid zur Bixx dabei
Allordings hadde ich mir den Weesch zur Bixx (laud Aussaache des Ounors) doch edwas eefachor vorgeschdelld. Abor hädsch mor schah dengn könn, daß das so nüschd wird. Mei Vorschlaach, die Sache doch liebor von oom anzugehn, wurde abgelehnd, mid den Wordn "ach komm, gidd von hior viel schnellor un eefachor..." jaja, eefachor, DAS sidd abor och immor H.E.R.A. nur so
Die erschde Hälfde war schah noch keen Broblem, abor dann ... Eeschndlich wolld ich schon ne mehr un orleene wär ich och ganz sischor ne weidor, abor mei Füüüüühror drieb mich weidor an, gab Anweisung, wo welschor Fuss un welsche Hand hinkommd un schiggde mich nach lings un raachds. Die ledzdn Medor warn dann die Hölle. Fier scheemandn der sonsd nur Sissie-Gleddorn machd, is das hior echd ne Dordur un sälld ohne geschuldes Bersonal echd nen annren Weesch wähln Ich weeß ne, ob ich mir das nur eigebilded hab, abor ich schloddorde vor Anschdrengung un Offreeschung so sehr, daß ich meine nähore Umgebung glei midnahm. Odor Ziddorde nur das begleddorde Obschegd??? Zum Schluss hadde ich och eedeudsch das Gefiehl zehn Zendimedor zu gurz zu sein Meine Fingor schrumbfdn zusehns un ich kam eefach ne ans Deesl. Ma davon abgesehn, daß ich se och offn erschdn Bligg gor ne orkannde Wenn dor Ounor von undn ne versischord hädd, daß doch eem de Killersharks die Dose signiord hamm, ich hädd dordn ne weidorgesuchd So nen "Schridd" muss mor sich och erschdma draun Middn Fingorschbidzn anglde ich dann das Deesl un signiorde das Logbuch in nor unmeeschlischn Schdellung, abor nochma die zwee Medor zum Verschdegg hin un zerigg kam fier mich nu och ne in Fraache. "halb schoom se sie, halb druuchn se sie" driffd mein Abschdiesch dann ganz gud - was fier ne Dordur un nochma würde ich mir den Schbass ne geem Diese Dose dräschd ganz eedeudsch die Handschrifd des Ounors - ich wussd doch, da kommd noch enn Hagn

Ich danke dir, mei Besdor, fier dieses außorgeweehnliche Gleddoragdschon, bei der ich mich heide noch wunnor, daß ich se ieborlebd hab, abor das is schah immor so, wenn mir deine Gleddorgäschs machn
Liem Gruß ausm fern Rußkams!

P.S.: Ubs, un schon widdor STF Habsch an dor Dose och ausgeblended