Spieglein, Spieglein an der Wand ...

Im Siedn von Middlsagsn haddn Luzi un ich die ledzdn Wochn widdor scheen offgeräumd, doch im Nordn - im H.E.R.A.-Rewior sah es schlimm aus. Da hadde wo irschndscheemand zu viel Zeid un Langeweile un had seine ganzn furchdborn Androhungen von leemsbedrohlichn Dosn wahr gemachd Es gald also nu och ma widdor Richdung Hordhe/Deebln un Leißnich zu fohrn un da ma Ordnung zu machn - nadierlich ne ohne besaachdn Ounor

Nachdem die ganzn verriggdn un eeschndlich ne machborn Dosn um Deebln rum abgeorbeed warn, wandn mir uns ma den endschbanndoren Agdschon in un um Leißnich zu Dabei kamndn mir och an diesm, eeschndlich ounorundübschn OC-Gäsch vorbei. Ma nüschd mid halsbreschorisch Gleddorn? Ohne Sischorung in schwindlorreeschndn Heehn durn?  Ganz harmlos am Bodn? Eefach nur bissl gnibsn un och keene fies un grübdisch verschlüssldn Bodschafdn orkenn? Das kann doch bald ne sein? NIIIIIIIIIIIEMALS von diesm Ounor!

Also DAS mussde ich mir eefach ma anguggn!

Un so schdobbdn der Drubb - exdra weeschn mir - um sich die neue Inschdalladschon, sowohl des Gäschs, als och des Ausfohrdsschbieschls anzuschaun. Den Vorgängor kannd ich ne, abor diese Vorrichdung orscheind doch wesndlich brofesschonellor, als die beschriemne Vorangegangne

Erschdema de rische Eischdellung bei diesm verschrobldn Schbieschl find, damid mor och risch im Bild is - Abdriggn un schon war das beneedschde Bildschn im Gasdn. Ganz schnell saßn mir och widdor im Gäschmobil un düsdn weidor Richdung Leißnich  

War doch enn scheenor kleenor Schbooß am Rande

Dafür dank ich dir, mei besdor un och, daß de mid diesm Gäsch für die Schunggäschor (wie mich) an die Religde aus längsd vergangnen Zeidn orinnorsd Mir schung Leid wissn doch ur noch aus Geschichdn dor "Aldn" von derlei Gäschs - saachnumwoom un legendär bekannd  

Liem Gruß ausm fern Rußkams!