Bonus: Folge den ˳˳˳

? 903 ? 23:25

Nachdem nu alle endgüldsch ausm Urloob widdor da sinn, ging es och endlich ma widdor in den heimischn Gefieldn in de Büsche Luzi un ich machdn ma widdor großfläschich die Geeschnd zwischn Waldheem, Deebln un Hardhe unsischor, hadde sich doch in den ledzdn Wochn un Monadn ma widdor ne Menge hior im Rewior gedan...

Dor Tach war ausgefülld un oreignisreich un die Nachd schah bis dado och, abor zu Ende war se doch noch ne ganz.

Drinniedeil: Diesor Bonus wurde dann ma widdor draußn mid orleedschd, wie sich das schah och eeschndlich fier nen Bonus geheern dud Allordings bingdn erschdma große Fraachezeichn iebor unsren Köbbn off, als mir die Bonusinfor am Feinl vom Harrie in dn Händn hieldn??? Hä, wadd bidde solln mir??? Naja, die Nachd war eem schon lang un die zerschdügglde Runde zum Gefangnen hadde uns wo doch schon bissl schalla in dor Birne gemachd. Na bloß gud, daß mir unsren Geid dabei hddbn, der uns die Sachlaache ma ieborsedzde

Draußiedeil: Un mir hield uns och exagd an das, was uns "befohln" wordbn war. Allordings fandn mir uns nach geraumor Zeid am Gäschorgudschl widdor un ne annor Dose Ui, schon widdor was ieborrannd? Is wo doch ne unsre Runde Also widdor zerigge un orneud alles abgesuchd, was off die "Beschreibung" bassn könnd, allordings sinn da won bissl die Glühwürmln abhandn gekomm, denn wirglich gekennzeichned war die Fundschdelle am Ende ne. Un mir hamm wirglich ganz scheen suchn müssn. Och H.E.R.A, konnd sich ne mehr wirglich orinnorn, obwohl es ledzdlich eeschndlich ne margande Schdelle war, abor mir suchdn eem erschdma im Umgreis von gefiehld 100m Naja, um ehrlich zu sein, Luzi war eeschndlich schonma an dem Boom, abor irschnd scheemand had da wo ne so risch de Gliehsn offgemachd Haubdsache im zweedn Anloof konnde die Bixx dann doch endordeggd wern Also konndn mir uns dank Hordnäggschkeed och hior noch eidraahn

Besdn Dank, liebe krasse Herde, fier dieses Zusadzschmankerl un die damid verbundne Pfleesche. Had uns alles Schbass gemachd, och wenn die Runde schon n bissl geliddn had un es zeidweise sehr zäh vor sich hinschdolborde ...
Liem Gruß ausm fern Rußkams! un nu abor gudde Nachd